البرجر هو طبق يتكون من قطعة لحم مفروم، عادة ما يكون لحم البقر، مشوية أو مقلية، توضع داخل خبز خاص يسمى خبز البرجر. يمكن إضافة العديد من الإضافات إلى البرجر مثل الجبن والخضروات والتوابل والصلصات.
نشأ البرجر في ألمانيا في القرن التاسع عشر، حيث تم نقل وصفة لحم مفروم مشوي مع خبز إلى الولايات المتحدة من قبل المهاجرين الألمان. انتشر البرجر بسرعة في جميع أنحاء الولايات المتحدة وأصبح رمزًا للثقافة الأمريكية.
مقادير عيش البرجر
- كيلو دقيق.
- كوب زبادي.
- 3 معالق كبار لبن بودرة.
- 3 معالق كبار خل.
- ربع كوب زيت.
- معلقة ونص كبيرة سكر.
- معلقه ونص كبيرة خميرة فورية.
- باكو بيكنج بودر.
- ربع كوب ماء دافي لاختبار الخميرة.
- كوب ماء دافي للعجن.
- رشة ملح.
مقادير البرجر
- كيلو لحمه مفرومه عليها نسبة دهن.
- كوب فول صويا منقوع ف كوب ماء مغلي.
- معلقتين كبار بهارات برجر او كيس بهارات سبايسي.
- بصله متدبله ف معلقة زيت .
- ملح .
- فلفل .
- رشة سكر.
خطوات تحضير البرجر وعيش البرجر
- في مياه الاختبار انزل الخميرة والسكر واقلبهم واسبها تخمر وتفور في مكان دافيء.
- في بولة انزل الدقيق وانزله الملح والبيكينج بودر واللبن البودرة واقلبهم مع بعض انزل عليه الخل والزيت والخميرة والزبادي واعجن المكونات مع بعض وانزل المية شوية بشوية اول مالعجينة تلم وتكون طرية انزلها علي رشة دقيق واعجنها مده 10دقايق لغاية متنعم خالص العجن ده مهم جدا وانزلها البولة واغطيها واسبها تخمر في مكان دافي.
- بعد مختمرت العجينة علي طبق كبير مرشوش دقيق واقسم العجينة كرات قد بعضها وتكون قد اللمونة الكبيرة واغطيها واسبها ترتاح 10دقايق وبعدها افرد العجينة زي القرص متكونش رقيقة اويطبتتين كده وادهن زيت وابطط التانية واحطها فوقها وعلي صنية الومنيوم مدهونة زيت وارص واكمل الكمية كلها بنفس الطريقة واسبها لغاية متخمر تاني وبعدها اقلب كل مكونات الدهن مع بعض وادهن الوش براحة خالص وانزل علي الوش سمسم وادخلهم فرن سخن جدا علي اعلا درجة واقرب الرف الوسطاني من الارضية تاخد لون دهبي من تحت ومن فوق واطلعهم اغطيهم لو مخدش لون من فوق اولع الشواية والاحظها .
- البرجر انزل علي الفول المية واسبهو يشرب كل المية وانزلة شاشة واصفية من اي مية وانزل الفول علي الكبة مع البصل وافرمهم اوي انزلهم كل البهارات وملح وفلفل وسكر وينعمم خالص انزلهم علي اللحمة اقلبهم مع بعض وابتدي اشكل علي كيس بلاستيك مفتوح مدهون زيت علي مكبس او غطا برطمان واشكل البرجر وعلي طبق علية كيس بلاستيك وارص البرجر وبين كل طبقة والتانية كيس بلاتستك مفتوح وادخلهم الفليزر ساعة يرتاحم بعد مرتاحم علي زيت بسيط في طاسة سخنة وابتدي اسوي البرجر واعملي احلا سندوتشات بالبرجر والعيش الجميل .